ஜொனி வெடியும் – அதிர்ந்துபோன அமெரிக்க ஸ்ரேல் உளவியலும்!

தேசியத் தலைவரும்! – உளவியல் நடவடிக்கையும் | பாகம் 03

(கார்த்திகை திங்கள் வீரன்)

ஜொனி வெடியும் – அதிர்ந்துபோன அமெரிக்க ஸ்ரேல் உளவியலும்!

உலக போரியல் வரலாற்றில் இன்றும் ஆச்சரியத்துடன் நோக்கின்ற எதிரியை கிலிகொள்ள வைப்பது என்கின்றதான தேசியத் தலைவரின் உளவியல் நடவடிக்கை பற்றிதான் இந்த ஆராய்ந்துகொண்டு இருக்கின்றோம்.

அதாவது தமது பலம் தொடர்பாக எதிரிக்குத் திகைப்பை ஏற்படுத்தி, எதிரியைக் குழப்பமடைய வைத்து, எதிரியை அச்சமடைய வைத்தல் என்கின்றதான ஒரு முக்கிய அம்சம் உளவியல் நடவடிக்கையில் (Psychological Operations) இருக்கின்றது. உலகில் குறிப்பிட்ட இந்த உளவியல் நடவடிக்கையை போரிடுகின்ற அனைத்துத் தரப்புக்களுமே செய்வது வளக்கம்.
இந்தவகை உளவியல் நடவடிக்கையை தமிழீழ விடுதலைப் புலிகள் எவ்வாறு மேற்கொண்டார்? – இதுபற்றித்தான் இந்த தொடரில் ஆராய்ந்துகொண்டிருக்கின்றோம்.

விடுதலைப் புலிகளது கரந்தடிப்படையிலான போராட்ட வடிவம் பற்றியும், அந்தப் போராட்டத்தில் அவர்கள் நிகழ்திக்காண்பித்த சாதனைகள் பற்றியும் ஆய்வுகளை மேற்கொள்ளும் போரியல் வல்லுனர்கள், விடுதலைப் புலிகள் மேற்கொண்ட உளவியல் நடவடிக்கைகள் பற்றி பெரிய ஆச்சரியத்தை வெளியிடுகின்றார்கள்.

அமெரிக்கா, இஸ்ரேல், பாக்கிஸ்தான், தென்ஆபிரிக்கா – இப்படி பல பாரிய நாடுகளின் பக்கபலத்துடன் களமிறங்கியிருந்த சிறிலங்கா இராணுவத்தின் உள உரத்தை அசைத்துவிடும்படியாக விடுதலப் புலிகள் மேற்கொண்ட உளவியல் நடவடிக்கைகள் பற்றிய அதிர்ச்சி கலந்த ஆச்சரியம் மேற்குல படைவல்லுனர்கள் மத்தியில் கூட இருக்கின்றது.

இரண்டாம் கட்ட ஈழ யுத்தம் 1990ஆம் ஆண்டு ஜூன் மாதம் 10ஆம் திகதி ஆரம்பமானபோது, ‘உளவுரன்’ (Moral advantage) என்கின்ற விடயத்தில் சிறிலங்காப் படைகள் புலிகளை விட பல மடங்கு முன்னணி நிலையிலேயே இருந்தார்கள். தென் இலங்கையில் ஜே.வி.பி. புரட்சியை முற்றாக அடக்கி பாரிய உளஉரத்தைப் பெற்ற நிலையில் சிறிலங்காப் படையினர் இருந்தார்கள். மறுபக்கம் இந்திப்படையினருடனான யுத்தத்தில் சின்னாபின்னமான நிலையிலேயே விடுதலைப் புலிகள் இருப்பதாக சிறிலங்கா படையினர் நம்பிக்கை கொண்டிருந்தார்கள்.

1ஆம் கட்ட ஈழ யுத்தத்தில் விடதலைப் புலிளுடன் சேர்ந்து நின்று போராடிய புளொட், ஈ.பி.ஆர்எல்.எப் இனது ராசிக் குழு, டெலோ, ஈரோசின் ஒரு பிரிவு – என்று பல அமைப்புக்கள் சிறிலங்கா இராணுவத்துடன் கைகோர்த்துப் புலிகளுக்கு எதிராகக் களமிறங்கியிருந்ததும், அவர்களுக்கு பாரிய உளவுரத்தை ஏற்படுத்தியிருந்தது. அத்தோடு, உலகின் பல வல்லரசு நாடுகளின் ஆயுத உதவிகள், ஆலோசனைகள், பயிற்சிகள் போன்றவற்றினால் பாரிய உள உரத்தைப் பெற்ற நிலையில் புலிகளின் பிரதேசங்களை ஆக்கிரமிக்கப் புறப்பட்டிருந்தார்கள் சிறிலங்காப் படையினர்.

வெற்றிப் பெருமிதத்துடன் வீறுநடைபோட்ட சிறிலங்காப் படையினரை தடுத்துநிறுத்திய ஒரு முக்கியவிடயமாக, புலிகளின் ‘ஜொனி’ பொறிவெடிகளையே போரியல் ஆய்வாளர்கள் குறிப்பிடுகின்றார்கள்.

நூற்றுக்கணக்கணக்கில், ஆயிரக்கணக்கில் புலிகளால் புதைத்துவைக்கப்பட்டிருந்த ஜொனி கன்னி வெடிகளே, வடக்கு கிழக்கில் சிறிலங்காப் படையின் எதிர்கொண்ட மிகப் பெரிய அச்சுறுத்தலாக அந்த நேரத்தில் இருந்தது.
மிகவும் குறைந்த செலவில், சிறிய தொழில்நுட்பத்தை மாத்திரமே பாவித்து புலிகளால் உருவாக்கப்பட்டிருந்த இந்த வகை பொறிவெடிகள், புலிகளின் கட்டுப்பாட்டுப் பிரதேசங்களில் முன்னேற நினைத்த ஒவ்வொரு சிறிலங்காப் படையினரின் உளவியலையும் பெரிதும் பாதிப்பதாகவே அமைந்திருந்தது.

எங்கு மறைத்து வைக்கப்பட்டிருக்கின்றது, எப்படி மறைத்து வைக்கப்பட்டிருக்கின்றது என்று தெரியாமல், ஜொனி பொறிவெடியில் அகப்பட்டுக்கொள்பவர்கள், தமது கால்களை மறந்துவிடவேண்டியதுதான். சிறிங்காப் படைத்தரப்பில், இவ்வாறு ஜொனி வெடியில் அகப்பட்டுக்கொண்டவர்களின் எண்ணிக்கை என்பது, பல ஆயிரம்.

2008ம் ஆண்டு நவம்பர் மாதம் 9ம் திகதி வெளியான ளுரனெயலவுiஅநள என்ற ஆங்கில பத்திரிகையில் டுவைவடந துழலெ’ள னநயனடல அளைளழைn என்ற தலைப்பில் ஒரு கட்டுரை வெளியாகியிருந்தது. அந்தக் கட்டுரையில் புலிகளின் இந்த ஜொணிக் கன்னிவெடிகள் பற்றி விரிவாக ஆராய்ந்திருந்தார்கள். சிறிலங்கா இராணுவத் தரவுகளை ஆதாரம் காண்பித்து வரையப்பட்ட அந்தக் கட்டுரையில் ஒரு முக்கிய விடயம் கூறப்பட்டிருந்தது. அதாவது, இதுவரை நடைபெற்ற யுத்தத்தில் சிறிலங்கா இராணுவத்திற்கு ஏற்பட்ட இழப்புகளில் சரியாக அரைவாசி இழப்புக்கள் புலிகள் விதைத்திருந்த ஜொனி பொறிவெடிகளாலேயே ஏற்பட்டதாக தெரிவிக்கப்பட்டிருந்தது.

அந்த அளவிற்கு எதிரிக்கு அச்சுறுத்தலான ஒரு ஆயுதமாக ஜொனி வெடிகளை புலிகள் தமது சண்டைகளின் பொழுது பயன்படுத்தியிருந்தார்கள். இந்த ஜொனி வெடிகள் பற்றி கருத்துக்கூறும் போரியல் வல்லுனர்கள், இந்த வகை பொறிவெடிகள் சிறிலங்காப் படையினருக்கு நேரடியாக ஏற்படுத்தும் பாதிப்புக்களை விட மறைமுகமாக ஏற்படுத்தும் பாதிப்புக்கள்தாம் அதிகம் என்று கூறுகின்றார்கள். அதாவது சிறிலங்கா படைவீரர்கள் ஜெனி வெடிகளினால் நேரடியாக உடற் பாதிப்புக்குள்ளாகி அங்கவீனர்களாவதை விட, உளவியல் ரீதியாக படைத்தரப்பிற்கு ஏற்படுத்தப்படும் பாதிப்புக்களே அதிகம் என்று போரியல் வல்லுனர்கள் கருத்துத் தெரிவிக்கின்றார்கள்.

Share this: